Patolli

Inin tlahcuilolli nozo tlahtoliztli cenca tepitzin. Ce ahnozo miaquintin huiquipediatequitqueh tequipanoah ipampa ce cualli tlahcuilolli.

Ye huehcauh, in ihcuac ahmo ohuallahqueh in caxtillantlacah, nican Mexihco macho ce neahuiltiloni in tlein moahuiltiaya ipan petlatl, Patolli inin itoca.

Omen tlacah patoticateh ipan Florentino Amoxtli

Cencah quinequiyah, miequintin tlacah hueli cahuiltiah ipal zan omen tlacah, cahuiltiayah cepantoc. Iuh yehhuantin oquichiuhqueh, ipan petlatl quihcuiloayah ce nepaniuhtocqui (cruz) ica olin (hule), opeuhqueh ipan tlanacazantli ihuiccopa occequi tlanacazantli, inin machiyotl quipiya ompohualli ihuan mahtlactli omome (52) kalli.

Tlacemmelahualiztli

Ahuiltilo ic mahtlactli omome tetl. Cecen patoani (neahuiltiani) quipiya chicuace tetl, centetl quipiya chicuace chichiltic ihuan occequi chicuace matlaltic.

Cahuiltiaya zan ce in aquin no imixiptla in mochintin. Iuhcatiliz inin omipatolli, ca etl; ca poyahuac etl, tliltic etl, inin macuilli etl ihuan cecen etl quipiya ce tlapohualli zan ic ce ixayac, chihualo iuh comolli ahnozo iuh tlapalli ica iztactlapalli. Ce etl ica ce comolli, inic ome etl ica ome comolli, inic eyi etl ica eyi comolli, inic nahuietl ica nahui comolli, inic macuiletl ica macuilli comolli. Intla ahmo oncah olin, mocuiya cequi xihuitl iuhqui ayohizhuatl nozo chichicpahtli, ihuan cequintin quichihuayah ica ocotl icontlil. In tlahuelilopatoanimeh (tahures) nochipa quipiyayah tlanipa inziyac in petlatl. Inin tlahuelilopatoanimeh quiteochihuiliayah, quimahuiztiliayah ihuan quinotzayah ipetl iuhqui teotl, quichihuiliayah in tletl, quicomonaltiayah ihuan quipopochhuiayah no iuh quitlamaniliayah tlacualli.

Patolli iteouh catca Macuilxochitl. Ihcuac patoayah, immacpa in etl huel quitzetzeloayah ihuan imman quitlazayah, niman ceppa macapaniayah ihuan tzahtziyah ¡Macuilxochitl!

Pehua in neahuiltiliztli ihcuac tictlaza in macuilli etl, niman ma xitlapohua in iztaccomolli auh xipancholo inon tlapohualli; intla quiza eyi ticmopancholhuiz eyin caltin, intla quiza chicueyi niman xicmopancholhui chicueyin caltin, intla quiza mahtlactli onnahui niman ticmopancholhuiz mahtlactli onnahuin caltin. Yeceh intla quiza macuilli iztaccomolli niman ticmopancholhuiz mahtlactin caltin ihuan intla quiza mahtlactli iztaccomolli niman xicmopancholhui CEMPOHUALTIN caltin.

Auh tipehua ticahuiltia ipan ce tlanacazantli ipan motlayeccampa.

Amoxtli

• Durán, Fray Diego. Historia de las indias de Nueva España e islas de tierra firme. 2 tomos. Conaculta 2002.
• Sahagún, Fray Bernardino de. Historia General de las cosas de la Nueva España. Ed. Porrúa 1985.
• Boone, Elizabeth Hill. The Codex Magliabechiano and the Lost Prototype of the Magliabechiano Group. Berkeley, University of California Press. 1983. ISBN 520-04520-3