Pictotecah

picto tetl ipan Strathpeffer, Escocia, quihtoznequi ce cuauhtli.

In pictotlacameh ocatcah ce macehualolocholiztli tlachihualli ica sequin macehualcalpoltin aquin nemiyah imictlampa huan itlahcoyan Escocia, imictlampa ome zolontic atoyatl itoca Forth huan Clyde, ocatcah at tepilhuan nozo hueliz yancuic tocaitl tlen ica anca in romatecah omotocaxti caledontecah huan occequin calpoltin tlen in romahuehuetlahtoli ye quitlaliayah ipan itlalticpacmachiyo Ptolomeo. Pictia nozo Pictavia omochiuh omopatlac ipan in ihquin tlatocaxtilli Alba-tlahtocayotl ipan siglo X, ihcon in pictotlacameh omochiuh Albannach nozo escoceses. Itlahtol in pictotlahtolli ocatcah.

Itlahtol tlen ica yehuantin innomah omonotzayah ahmo aquin quimati. In griegotlahtolli Πικτοί, picti ica latintlahtolli, achtoc monextia ipan ce amoxtli tlen Eumenio oquihcuilo ipan 297 xihuitl huan quihtoznequi "in tlacameh tlapalolli". Mazque ihcon, hueliz oquiz ompa occe tlahtolli, hueliz ica celtatlahtolli Pehta nozo Peihta, tlen quihtoznequi "yaoquizqui".

Tlamatiliznelhuayotl

• James E. Fraser, The New Edinburgh History Of Scotland Vol. 1 - From Caledonia To Pictland, Edinburgh University Press(2009) ISBN 978-0-7486-1232-1.
• Fraser Hunter, Beyond the Edge of Empire: Caledonians, Picts and Romans, Groam House Museum, Rosemarkie (2007) ISBN 978-0-9540-9992-3
• Alex Woolf, The New Edinburgh History Of Scotland Vol.2 - From Pictland To Aba, Edinburgh University Press,(2007) ISBN 978-0-7486-1234-5