Diferencia entre revisiones de «Tōnalpōhualli»

:In Tlazolteotl iteow, tlatta tlapkopa.

 

 

:Ka kualli tonalli in akihkeh ipan tlakatiyah yezkeh teteuktin ahnozo weyin tlahtokeh; yaopan yaz iwan kimanaz in mamaltin. In Xiwteuktli ka itonal, in tletl, in kopalli, in amatl itlakual.

:Kihtoaya in ikin kiwalmatiz in neltiliztli, in nelwayotl. In Xiwteuktli iteow, tlatta miktlampa.

 

 

:Kihtoaya inin ahmo kualli tonalli, in owihkan kizaz, ahzo yaomikiz, ahxiwaz, ahkan awiya, ahkan tlakako, tlamati. In akin ipan tlakatiya yez ichteki, kochini, in awiyani, ahzo yes ixpopoyotl, inik mochi poliwiz.

:In tonalli eyi kowatl, chikome atl kualli. In Itzpapalotl iteow, tlatta ziwatlampa.

 

 

:In akin tlakatiya kiwalkualtiaya, kihtoa wewetiz, ilamatiz, kitlamatiz kitlamitewaz in pakiliztli, iwan mokuiltonoz, tlamawizoz in tlaltikpak. Aw tel za no ipantia, in akin iwki mochiwaya, yehika ka miyek tlakatl mikiya in ipan tlakati.

:In Xolotl iteow, tlatta witztlampa.

 

 

:Kihtoaya: ahmo kualli, iwan kihtoaya zan chiktlapantli, chiktlapantikah. Ixkich kualli ahnozo ahkualli. Zan mochi ahkualli in kolotikah tewtli, tlazolli, aw ahmo inik yaz in ik mikiz. Chalchiwitlikue itonal ipampa in toteotzin mokekeloa totechpa.

:In Chalchiwtotolin iteow, tlatta tlapkopa.

 

 

:Inin ahmo kualli, kihtoa tepoloaya; in motenewa wel tewichtekkeh, tetzontzomeh, tepatlachtin. In yehwantin temamakpalihtotikeh. Aw inin tokayotilo tetzotzomeh: intla kana wel oanokeh, zan kintetepachoa, kintetzikali tetika, wetzi tetl ipan ikua, kintetetzotzona.

:In Chalchiwitlikue iteow, tlatta miktlampa.

 

 

:Inik kil ahmo kualli in tonalloh, aw kil in akihkeh ipan tlakatiyah yezkeh patoanimeh, iwki mochi kipolozkeh, patotinemizkeh. Kuawkaltilo ipampa ahmo ahzi in iollamaliz. Nikan owaltemokek in tepitoton ziwateteoh, zemeh yehwantin ka Xochiketzal, inin tonalli iteow, tlatta ziwatlampa.

 

 

:Inin ka kualli tonalli. In akin tlakatiya ipan tonalli, zenkah motlaelkoltiani, tlatekipanoani, mokuiltonoani. Kil nochipa tlatekiz, mochi kichiwa in xochtia.