Diferencia entre revisiones de «Tōnalpōhualli»

Contenido eliminado Contenido añadido
wiki
Creación de texto
Pantli 1:
'''Tonalpohualli'''. 1 Tonalpohualli = 260 [[Tonalli]].
:In tlein techxotomekayotia intonemiliz, ka tlapowaliztli ika tikmatih in axkan mochipa. In ilwikamatiliztli iwan tlaltikpakayotl in ixnamiktikateh tlakatzalan. Iw ka ilwikatl zan no iw in tlaltikpak, in mochi yeliztli mixkokoa in tlakatl, ka inin kichiwa kawitl mahtlakpowalilwitl iwan yepowalilwitl, iwki in konetl weyiya ihtek nantzin (266-270 ilwitl)
 
:In tonalpowalli ka nenewka tlapowaltokaliztli in onkah mahtlaktliomeyi tlapowalli man itlok kizenteka zempowalli tlahkuilomachiyotl. Niman kizenteka itlok xiwitl.
 
:Nikan ok nepa tiktepanah ze tonalpowalli.
 
==Ze Zipaktli==
:Inin tonalli, iw mihtoaya mochi kualli in akin ipan tlakatiya; pilli mihtoaya teuktiz, tlahtokatiz, mokuiltonoz. Aw intla mazewalli ipan tlakatiya: okichtiz, tiakkawtiz, mawiztiz, panwetziz, motleyotiz, onkan kikuani, kiani yez.
 
:In Tonakateuktli iteow, tlatta in tlapkopa.
 
==Ze Ozelotl==
 
:In ahmo kualli tonalli. Aw in akihkeh ipan tlakatiya in, in ahzo pilli ahnozo mazewalli iw mihtoa, yaomikkeh, wizoya, kawaloya, kalakiloya, ahxiwaya iwan mochi ahmo kualli in imahzewal, in iiknopil mochiwaya, zan tewtli, tlazolli in milakatzotinemi.
 
:In Ketzalkowatl iteow, tlatta miktlampa.
 
==Ze Mazatl==
 
:In kualli tonalli. Kihtoaya: in kimomahzewaloya ipan tlakatiya, in okichtin in ziwah. Aw intlakamo impan neltiaya, zan yehwantin in tlatziwiliztika kipoloaya. Intla tlakatiya ipan ome tochtli yez tlawanki. Ka kualli nawi itzkuintli, chikome akatl, mahtlaktliomeyi kiyawitl.
 
:In Tlazolteotl iteow no Tepeyolohtli, tlatta ziwatlampa.
 
==Ze Xochitl==
 
:Inin tonalli tlahko: achi tetolini iwan achi kualli. Aw in akin ahmo ipan mihmatiya in ahtle kittaya, ixkich kipoloaya inik kuikani, inik toltekatl. Intla ye onkan inekuiltonol. Aw ye konpohpowa iixko, iikpak ye kimana.
 
:In Wewehkoyotl iteow, tlatta witztlampa.
 
==Ze Akatl==
 
:Aw inik mihtoa: ahmo yekkan, in akin ipan tlakatiya, pilli ahzo mazewalli, ahtle zenkah imahzewal, iilwil katka, zan iwkin ehekatl ipan powiya inemiliz, ehekatokoya, ahtle itlaanka inelwayo mochiwaya, ipampa Ketzalkowatl itonal. Chikome kiyawitl, chikueyi xochitl yez kualli.
 
:Chalchiwitlikue iteow, tlatta tlapkopa.
 
==Ze Mikiztli==
 
:Aw inik kualkan, yekkan ipan machoya ika onkan newawtiloya, inik ahmo zan ye no mozomaz, monehnekiz, ka iw mihtoaya, in akin kiknelia, in okonmawizolti, in oixpan konkixti, in tzopelika, in iawiyaka in itetlaokoliliz zan ye no koninailia, konikuanilia.
 
:Itoka yez Mikiz, Yaotl, Yaomawitl. Weweteotl iteow, tlatta miktlampa.
 
==Ze Kiyawitl==
 
:In ahkualli tonalli ipampa temoh in ziwateteoh, in akin tlakatiya ompa yez tlakatekolotl. In chikome kowatl ka kixiptlatiya in tlaolli, motkitiya kualoni. Iwan kihtoa, in chikometiwaya ipan tonalli mochipa kualkan. Miktiloyah tlazolchiwkeh, atlan kimomayawi.
 
:In Tlalok iteow, tlatta ziwatlampa.
 
==Ze Malinalli==
 
:Inin ahkualli tonalli, tekuani, imakaxoni, in akin ipan tlakatiya, zan motolintinenka, tel kittaya in ineyollaliliz. Aw zan ompoliwiya, zan onkiztikiza.
 
:Ome akatl, eyi ozelotl katka kualli tonalli. Intla manaz yowalnepantlah, mokuepaz kualli itonal. In Mayawel iteow, tlatta witztlampa.
 
==Ze Kowatl==
 
:In mihtoaya kualli tonalli. In akin ipan tlakatiya kihtoaya ilwileh, mahzewaleh yez, mokuiltonoz, onyez in kikuaz in kiz.
 
:Aw in yowak, in yaopan okichtiz momawizzotiz; aw intla ziwatl wel motlakamatiz, wel motlayekoltia, kipiaya in iteikneliz. Pochtekatl itonal. In Mixkowatl no Kamaxtli iteowan, tlatta tlapkopa.
 
==Ze Tekpatl==
 
:Inik mahtlaktetl kil kualli in tonalleh, aw kil in akihkeh onkan tlakatiyah chikawakeh katkah, iwan tekiwakatiz. Aw kil ziwah onkan tlakatiyah okichyollokeh katkah, mochi in weli katka, zenkah wel kinextiaya in intlatki.
 
:Miktlanteuktli iwan Tonatiw iteowan, tlatta miktlampa.
 
==Ze Ozomatli==
 
:Aw in akin ipan tlakatiya ye kikualittaya, kihtoaya: intla okichtli ipan otlakat, ka moteawiltiliz, motezezemeltiliz, ahkan tlaelittoz, mochi tlaktl ikniw yez, iwan ahnozo kuikani, mihtotiani, ahnozo tlahkuilh, itlah ik toltekatiz.
 
:Ipan ome malinalli ahmo kualli tonalli. In Tlazolteotl iteow, tlatta ziwatlampa.
 
==Ze Kuetzpalli==
 
:Inin kualli tonalli, in akin ipan tlakatiya zenkah chikawak, chikawanakayo aik zenkah mokokoz. Aw intla kanah onwalwetzi ahkan konmati, mewtiwetzi, pohpoxiwtewa, Intla miyak tlatekiz iwan ahmo tlawawanaz, ahmo kikawaz, ahtlamiz kualli itonal.
 
:InTezkatlipoka no Itztlakoliwki iteowan, tlatta witztlampa.
 
==Ze Olli==
<!-- Tonalpohualli: en:The Count of Fate -->