Inin tlahcuilolli nozo tlahtoliztli cenca tepitzin. Ce ahnozo miaquintin huiquipediatequitqueh tequipanoah ipampa ce cualli tlahcuilolli.
Gustavo Adolfo Becquer
Gustavo Adolfo Becquer
Amoxtlahcuiloh
Tlacatocayotl Gustavo Adolfo Bécquer
Tlacatiliztli Inic 22 inic ontetl metztli, 1838Nemachiyōtīlli:ESPf Sevilla, España
Miquiztli Inic 22 inic mahtlactetl omontetl metztli, 1870 Nemachiyōtīlli:ESPf Madrid, España
Hueyi tlahcuilolli Tlahtollaliztli ihuan tlaquetzalli

Gustavo Adolfo Claudio Dominguez Bastida (Sevilla, inic 17 inic ontetl metztli inic 1836-Madrid, inic 22 inic mahtlactetl omontetl metztli inic 1870), oc cencah tlaixihmachtli in iuh Gustavo Adolfo Becquer, yehhuatl catca ce tlahtollaliani ihuan tlaquetzani españatlacatl, itech pouhqui in inemachtil[1] in Maxaliuhcayotl [2]. Ipampa yehhuatl yez ce maxalihuini tlahuehcauhtli, ohuehhuechihualoc nenehuiliztica ica in nemachtilli zatepamaxalihuini[3]. Manel ipan yoliliztli ye quixahcicaittac cequih tenyotl, zan iyoh niman imiquiliz ihuan zatepan in itetlapanotlaliz in icennenahualiz in itlahcuilol quicnopilhuih in mahuizotl ca axcan ixcomaco.

Itlachiuh oc cencah tenyoh yehhuatl in Tlahtollaliztli ihuan Tlaquetzalli. In tlahtollaliztli ihuan tlahtollotl tlatocalli ipan inin tlacehcentlaliztli yehhuatl nelhuayotl ipal in inemachtiliz in amoxcuiloliztli españayotl, ipan in yehhuatl ca quiyecoh zatepan ce hueyi huetziliztli.

Tenemilizpoalli xikpatla

 
Ical tlaquixtih in Gustavo Adolfo Becquer ipan in icaltzalan in Ololiuhqui inic Barajas itech Sevilla.

Tlacat ipan Sevilla inic 17 inic ontetl metztli inic 1836, ipiltzin in tlatlapalhuihqui Jose Dominguez Insausti, in aquin quitzimmachiotiaya itlatlapalhuiliz ica in iteuctoca in itechiuhcahuan in iuh Jose Dominguez Becquer. Inantzin yehhuatl catca Joaquina Bastida Vargas. Ipan in iyomotlan tahyotl itech quizaya ce tecpilli icencal in pochtecah ica itzin flamenco, in Becker nozo Becquer, necallotilli ipan in itecuacan andaluciayotl ipan in macuilpoalxihuitl XVI; itechpa iteyequihtoliz quitemaca teyolmahxiltiliztli in tlachihualiztli ca quimocuiliayanih teocalcuitlapilli ihuan miccatlatlatectli ipan in hueiteopancalli inohmah niman inic 1622. Iuh Gustavo Adolfo in iuh icetca[4], in tlatlapalhuihqui Valeriano Becquer, quicuiqueh Becquer in iuh inic ce teuctocaitl ipan in itlatzimmachiotiliz in itlachiuh.

Cuatequiloc ipan in icalpol in Yecnemiliceh Lorenzo Teomicqui. Itechiuhcahuan melahuaqueh, inic pehua ipan inohmah itahtzin, Jose Dominguez Becquer, yehhuantin catcah tlatlapalhuihqueh ica tlamanitiliztli andaluciayotl, ihuan iuh Gustavo Adolfo in iuh iteiccauh Valeriano yehhuantin itech catcah cenhuel tlatlaaxcatiltin ipal in tlatenhuimololiztli. Valeriano, huel, itech huetztinen in tlatlapalhuiliztli. Tel in tahtli mic inic 26 inic centetl metztli inic 1841, in ihcuac quitecpancapohuaya in tlahtollaliani nahui xihuitl ihuan inon nehuehhuelililiztli tlatlapalhuilizotl quipoliuh in tachcauh inic itepalehuiliz. Inic 1846, ica mahtlactetl xihuitl, Gustavo Adolfo ahcico ipan in Inemachtilcal in Yecnemiliceh Telmo itech Sevilla (tlatzintiliztli chictlapanqui ca quincuia noihuan icnocahualoqueh ica tzitzquiloni tlapepeyahualiztli), in canin maco temachtilli itechpa ce itlamachtil in nequiztic tlahtollaliani Alberto Lista, Francisco Rodriguez Zapata, ihuan quixmati in hueyi iicniuh ihuan tenahuac-yeni itech netlacuitlahuiliztli amoxcuilolizotl Narciso Campillo. In xihuitl tetoquilih, inic 27 inic ontetl metztli inic 1847, in teiccahuan Becquer icnopiltihqueh noihuan ica nantli, ihuan tepiltzontiloqueh quinihcuac itechpa iahui nanyotl, María Bastida, ihuan Juan de Vargas, in aquin quimihiocuitih chicomentin in imachhuan...

Huiquimedia Commons quipia occequin tlahcuilolli
  1. Nemachtilli quinezcayotia doctrina, enseñanza, principios, escuela, corriente nozo movimiento.
  2. Maxaliuhcayotl quinezcayotia romanticismo (Ma xiquitta in tlahtoltecpanaliztli tehtlahtol). Maxalihuini (noihuan maxaliuhqui) quihtoznequi apasionado, romántico, embobado, embelesado nozo encaprichado.
  3. Nozo posromántico.
  4. Nozo iteiccauh.